სრ საგარეო საქმეთა მინისტრი არარატ მირზოიანი საფრანგეთის ევროპისა და საგარეო საქმეთა მინისტრ ჟან-ნოელ ბაროს შეხვდა. თანამოსაუბრეებმა განიხილეს სომხეთსა და საფრანგეთს შორის სტრატეგიული პარტნიორობის თანმიმდევრული განვითარების მიმართულებით მიმდინარე სამუშაოები. მათ ისაუბრეს თანამშრომლობის ძირითად პროგრამებზე, მათ შორის ენერგეტიკისა და ინფრასტრუქტურის სექტორებში. ამის შესახებ იტყობინება სომხეთის საგარეო საქმეთა სამინისტრო.
მინისტრებმა ისაუბრეს მომავალ მაღალი დონის ღონისძიებებზე, მათ შორის მაისში ერევანში გასამართი ევროპის პოლიტიკური საზოგადოების შეხვედრისთვის მოსამზადებელ სამუშაოებზე. ხაზი გაესვა მიმდინარე ტენდენციების ფონზე დემოკრატიული მდგრადობის გასაძლიერებლად უწყვეტ თანამშრომლობას. არარატ მირზოიანმა და ჟან-ნოელ ბარომ გაცვალეს მოსაზრებები ახლო აღმოსავლეთში მიმდინარე მოვლენებზე. მინისტრმა მირზოიანმა ხაზი გაუსვა სიტუაციის მოგვარებისა და რეგიონული სტაბილურობის უზრუნველყოფის მნიშვნელობას.
