უახლოეს მომავალში ხელისუფლება გეგმავს საზოგადოებისთვის ბოლო წლებში შეძენილი იარაღის წარდგენას. Armenpress-ის ცნობით, ამის შესახებ კაპანის მაცხოვრებლებთან „სამოქალაქო კონტრაქტის“ პარტიის წარმომადგენლების შეხვედრის დროს განაცხადა სომხეთის პრემიერ-მინისტრმა ნიკოლ ფაშინიანმა.
„იარაღთან დაკავშირებით. ორი-სამი თვის წინ გამოვაცხადეთ, რომ წავიყვანდით და ვაჩვენებდით იმ მოქალაქეებს, რომლებსაც სურთ ნახონ, რა შევიძინეთ. უკვე მოვიწვიე რამდენიმე ჯგუფი, წავედით, მაგრამ ხალხის რაოდენობა იმდენად დიდია, რომ მივედით დასკვნამდე, რომ საჯაროდ უნდა ვაჩვენოთ ყველას. ახლა კი ვფიქრობთ უახლოეს მომავალში საჯარო დემონსტრაციის ჩატარებაზე, რათა ჩვენმა მოქალაქეებმა დაინახონ, რაზე ვსაუბრობთ. მაგრამ ამას ასევე ვაკეთებთ მშვიდობის ხაზგასმით და მშვიდობის კონტექსტში. რადგან მშვიდობაა, ჩვენს მეზობლებთან დაძაბულობა არ არის, ჩვენი მეზობლები, ვიმედოვნებთ, ამას აგრესიის დემონსტრაციად არ აღიქვამენ. ჩვენ წარვუდგენთ ანგარიშს ჩვენს ხალხს. „ეს ალბათ მაისში მოხდება, რათა ვაჩვენოთ, რა გავაკეთეთ, რას მივაღწიეთ“. „ჩვენ მხოლოდ ჩვენი მმართველობის დროს და ძირითადად 2022 წლის შემდეგ შეძენილ იარაღს ვაჩვენებთ. დიახ, ახლა მშვიდობაა, მაგრამ ეს არ ნიშნავს, რომ თავდაცვითი არმია არ უნდა გვყავდეს. რადგან არმიის გარეშე ქვეყანა შეიძლება აგრესიისთვის ცდუნებას წარმოადგენდეს“, – განაცხადა ფაშინიანმა.
