სომხეთის რესპუბლიკას არ დაუწესებია აკრძალვა არცერთი ქვეყნისთვის, მათ შორის აზერბაიჯანის სამოქალაქო თვითმფრინავებისთვის, სომხეთის რესპუბლიკის საჰაერო სივრცის გამოყენებაზე – სამოქალაქო ავიაციის კომიტეტი
სომხეთის რესპუბლიკის საჰაერო სივრცის გამოყენებისა და სომხეთის რესპუბლიკის საჰაერო სივრცეში ტრანზიტული ფრენების განხორციელების შესახებ ბოლო დროს გავრცელებული უსაფუძვლო სპეკულაციებისა და დეზინფორმაციის გათვალისწინებით, სამოქალაქო ავიაციის კომიტეტი განმარტავს საჰაერო სივრცის გამოყენებისა და სომხეთის რესპუბლიკაში საერთაშორისო ტრანზიტული ფრენების განხორციელების მარეგულირებელ პრინციპებსა და წესებს.
„საერთაშორისო სამოქალაქო ავიაციის შესახებ ჩიკაგოს კონვენციის მე-9(ბ) მუხლის დებულებების სახელმძღვანელო, რომლის თანახმადაც, სამოქალაქო ავიაციის საერთაშორისო ორგანიზაციის (ICAO) არცერთ წევრ სახელმწიფოს არ შეუძლია გამოიყენოს დისკრიმინაციული მიდგომა თავისი საჰაერო სივრცის გამოყენების მიმართ, სომხეთის რესპუბლიკას არ დაუწესებია რაიმე აკრძალვა სომხეთის რესპუბლიკის საჰაერო სივრცის გამოყენებაზე არცერთი ქვეყნის, მათ შორის აზერბაიჯანის სამოქალაქო თვითმფრინავების მიერ.
სომხეთის რესპუბლიკის კანონმდებლობისა და საერთაშორისოდ აღიარებული პროცედურების თანახმად, სომხეთის რესპუბლიკის საჰაერო სივრცეში განხორციელებული თითოეული სამოქალაქო კომერციული საერთაშორისო ტრანზიტული ფრენა ხორციელდება ავიაკომპანიის მიერ წარდგენილი ფრენის გეგმის შესაბამისად და არ არის საჭირო სამოქალაქო ავიაციის საერთაშორისო ორგანიზაციის (ICAO) წევრ სახელმწიფოებს შორის რაიმე შეთანხმების დადება.
სომხეთის რესპუბლიკის საჰაერო სივრცის გამოყენების ნებისმიერი შეზღუდვის შემთხვევაში, ამის შესახებ ინფორმაცია ქვეყნდება დადგენილი შეტყობინებების (NOTAM) მეშვეობით.
სომხეთის რესპუბლიკის საჰაერო სივრცეში განხორციელებული ნებისმიერი საერთაშორისო ტრანზიტული ფრენის (ზემოთ აღნიშნული ფრენის გეგმა) შესახებ ინფორმაციას სამოქალაქო ავიაციის საჰაერო მოძრაობის მომსახურების ორგანო აწვდის სომხეთის რესპუბლიკის დაინტერესებულ უწყებებს“, – ნათქვამია განცხადებაში.
