სომხეთის ეკონომიკის მინისტრი აშშ-სა და ევროკავშირში ექსპორტიორი კომპანიების წარმომადგენლებს შეხვდა

სომხეთის ეკონომიკის მინისტრი გევორგ პაპოიანი აშშ-სა და ევროკავშირში ექსპორტიორი კომპანიების წარმომადგენლებს შეხვდა.

გევორგ პაპოიანმა ამის შესახებ თავის Facebook გვერდზე დაწერა.

 „მე შევხვდი აშშ-სა და ევროკავშირში ექსპორტიორი კომპანიების წარმომადგენლებს. ხაზი გავუსვი ეკონომიკური დივერსიფიკაციის მნიშვნელობას და მთავრობის მზაობას, მხარი დაუჭიროს ბიზნესმენებს სომხური პროდუქციის ახალ და უფრო ფართო ბაზრებზე, კერძოდ, აშშ-ში, ევროკავშირში, კანადასა და სხვა მრავალ მიმართულებით წარდგენაში. მონაწილეებმა წარმოადგინეს ძირითადი საკითხები, რომლებსაც ისინი თავიანთი საქმიანობის დროს წააწყდნენ, რაზეც შესაბამისი განმარტებები და რეკომენდაციები იქნა მოცემული“, – წერს პაპოიანი.