საფრანგეთმა განაცხადა, რომ რუსეთს არ აქვს უფლება განსაზღვროს სომხეთის მომავალი
სომხეთის მომავალი, მისი გზა და არჩევანი სომხებმა უნდა განსაზღვრონ და არა მისმა მეზობლებმა. რუსეთს არ აქვს და არც შეიძლება ჰქონდეს უფლება განსაზღვროს სომხეთის მომავალი. ამის შესახებ საფრანგეთის ევროპულ საქმეთა მინისტრმა ბენჯამინ ჰადადმა CivilNet-თან ინტერვიუში განაცხადა.
„ჩვენი მხრიდან, ჩვენ მხარს დავუჭერთ სომეხ ხალხს მათ მიერ არჩეულ გზაზე. მინდა ხაზგასმით აღვნიშნო: მე ვნახე პრემიერ-მინისტრ ფაშინიანის და მისი გუნდის განცხადებები კეთილმეზობლური ურთიერთობების მიღწევის შესახებ. სომხეთი ნამდვილად ინარჩუნებს კარგ ურთიერთობებს ყველა მეზობელთან, მათ შორის რუსეთთან, ასევე სხვა ქვეყნებთან და ისწრაფვის მშვიდობისკენ რეგიონში.
ჩემი აზრით, ეს არის ბუნებრივი და ლეგიტიმური, მაგრამ ასევე ძალიან ამბიციური გზა. და საფრანგეთი მხარს დაუჭერს სომხეთს ამ გზაზე დიპლომატიისა და მშვიდობის ხელშეწყობის კუთხით.
„არავინ სთხოვს სომხებს, აირჩიონ ამა თუ იმ ქვეყანას შორის. აქ მთავარი კითხვა სხვაა: როგორი მომავალი გსურთ თქვენი ქვეყნისთვის? როგორი დემოკრატია? რა ეკონომიკური ზრდა?“ – დასძინა ჰადადმა.
