ევროპარლამენტი 28-30 აპრილს სომხეთის დემოკრატიული მდგრადობის მხარდაჭერის შესახებ ევროკავშირის მიერ რეზოლუციის მიღებაზე დისკუსიას და შემდეგ კენჭისყრას გამართავს.
„არმენპრეს“-ის ცნობით, ამის შესახებ ევროპარლამენტის ვებსაიტზე გამოქვეყნებულ განცხადებაშია ნათქვამი. აღნიშნულია, რომ ამ რეზოლუციის განხილვა 7 ივნისს სომხეთში საპარლამენტო არჩევნების ფონზე გაიმართება.
„ევროკომისიისა და საბჭოს წარმომადგენლებთან 28 აპრილს გამართული პლენარული დებატების დროს, ასევე 30 აპრილს თანდართულ რეზოლუციაში, ევროპარლამენტარები ხაზს გაუსვამენ გარე ჩარევისგან თავისუფალი ხმის მიცემის აუცილებლობას და შეშფოთებას გამოთქვამენ მოსკოვის მიერ დეზინფორმაციის გავრცელებისა და ხმის მიცემის შედეგებზე გავლენის მოხდენის მცდელობების შესახებ“, – ნათქვამია განცხადებაში.
ასევე აღნიშნულია, რომ ევროპარლამენტი მოუწოდებს სომხეთის საერთო დემოკრატიული მდგრადობის გასაძლიერებლად უფრო მეტი ძალისხმევისკენ. საბჭომ ასევე შეახსენა, რომ ევროკავშირმა ცოტა ხნის წინ ახალი სამოქალაქო მისია დაიწყო სომხეთის ხელისუფლების მხარდასაჭერად შესაძლებლობების გაძლიერებასა და მრავალშრიანი საფრთხეების, უცხოური ინფორმაციის მანიპულირებისა და ჩარევის (FIMI), კიბერშეტევების და უკანონო ფინანსური ნაკადების წინააღმდეგ ბრძოლაში.
