აშშ-ის საელჩო სომხეთში მიესალმება სომხეთისა და თურქეთის მიერ გიუმრი-ყარსის რკინიგზის რეკონსტრუქციისა და ოპერირების მიმართულებით გადადგმულ კონკრეტულ ნაბიჯებს.
Armenpress-ის ცნობით, აშშ-ის საელჩომ განცხადება გაავრცელა ამასთან დაკავშირებით, თურქეთის ქალაქ ყარსში გამართულ სომხეთ-თურქეთის სამუშაო ჯგუფის შეხვედრაზე მითითებით, რომლის დროსაც განიხილეს გიუმრი-ყარსის რკინიგზის აღდგენისა და ოპერირების საკითხი.
„ისტორიული პროგრესი მშვიდობიანი და აყვავებული სამხრეთ კავკასიის მშენებლობის გზაზე.
დღეს, სომეხი და თურქი ოფიციალური პირები ყარსში შეხვდნენ, რათა შეექმნათ ერთობლივი სამუშაო ჯგუფი ყარსი-გიუმრის რკინიგზის რეკონსტრუქციის საკითხზე. სომხეთსა და თურქეთს შორის ამ საკვანძო კავშირის აღდგენა მნიშვნელოვანი ნაბიჯია რეგიონული სატრანსპორტო მარშრუტების გახსნისა და რეგიონული სტაბილურობის უზრუნველყოფისკენ. ასეთ გარდამტეხ მომენტებს საფუძველი ჩაეყარა პრეზიდენტ ტრამპის მასპინძლობით გამართულ ვაშინგტონის სამიტზე 8 აგვისტოს.
„აშშ-ის საელჩო სომხეთში მიესალმება სომხეთსა და თურქეთს შორის ათწლეულების განმავლობაში დახურული ეკონომიკური და სოციალური კავშირების ხელახლა გახსნისკენ გადადგმულ ამ კონკრეტულ ნაბიჯებს“, – ნათქვამია განცხადებაში.
