ამერიკული კომპანიის გუნდი სომხეთში TRIPP-ის ტერიტორიის კვლევის დასაწყებად ჩავიდა
სომხეთის რესპუბლიკის ვიცე-პრემიერმა მჰერ გრიგორიანმა მიიღო ამერიკული საინჟინრო და საკონსულტაციო კომპანია AECOM-ის გუნდი, რომელიც სომხეთს აშშ-ის სახელმწიფო დეპარტამენტის „გლობალური ინფრასტრუქტურისა და საინვესტიციო პარტნიორობის ფონდის“ სახელით ეწვია და რომელიც სომხეთში TRIPP-ის ტერიტორიის კვლევის დასაწყებად ჩავიდა.
„არმენპრეს“-ის ცნობით, სომხეთის მთავრობის მიერ გავრცელებულ განცხადებაში ნათქვამია, რომ კომპანიამ ვიცე-პრემიერს წარუდგინა მათ მიერ შემუშავებული ტექნიკურ-ეკონომიკური დასაბუთების კვლევაზე მიმდინარე სამუშაოების ძირითადი მიმართულებები და მოსალოდნელი შედეგები.
რეგიონში მშვიდობისა და სტაბილურობის განმტკიცების თვალსაზრისით TRIPP ინიციატივის მნიშვნელობაზე საუბრისას, ვიცე-პრემიერმა ხაზი გაუსვა მიმდინარე სამუშაოებს და წარმოადგინა რეგიონული კომუნიკაციების განბლოკვის შესაძლებლობები, ხაზი გაუსვა ტვირთებისა და რესურსების ტრანზიტის დიდ პოტენციალს სომხეთის რესპუბლიკის ტერიტორიაზე.
