სომხეთის რესპუბლიკის უშიშროების საბჭოს მდივანმა არმენ გრიგორიანმა მიიღო ლიეტუვის საგარეო საქმეთა მინისტრი კესტუტის ბუდრისი. Armenpress-ის ცნობით, უშიშროების საბჭოს მდივანმა შეხვედრის შესახებ თავის Facebook გვერდზე დაწერა და დეტალები წარმოადგინა:
„მივესალმე დელეგაციის ვიზიტს სომხეთში და ხაზი გავუსვი ორ ქვეყანას შორის ურთიერთობების მაღალ დონეს და აქტიურ პოლიტიკურ დიალოგს.
ჩვენ განვიხილეთ სომხეთ-ლიეტუვის ორმხრივი ურთიერთობების ყოვლისმომცველი დღის წესრიგის არაერთი საკითხი და დავსახეთ შემდგომი თანამშრომლობის გზები.
„ჩვენ შევეხეთ სომხეთ-ევროკავშირის სტრატეგიული პარტნიორობის დღის წესრიგთან დაკავშირებულ საკითხებს, ასევე სომხეთ-ევროკავშირის ვიზების ლიბერალიზაციის შესახებ მიმდინარე დიალოგს, კმაყოფილებით აღვნიშნეთ ევროკომისიის მიერ სომხეთისთვის წარდგენილი ვიზების ლიბერალიზაციის სამოქმედო გეგმის (AP) განხორციელების შესახებ პირველი პროგრესის ანგარიში, რომელშიც მაღალი შეფასება მიეცა სომხეთის ხელისუფლების მკაფიო პოლიტიკურ ვალდებულებას, განახორციელოს ევროკავშირთან ვიზების ლიბერალიზაციისკენ მიმართული აუცილებელი რეფორმები“, – ნათქვამია არმენ გრიგორიანის პოსტში.
