მოსკოვი, სავარაუდოდ, შეეცდება ფაშინიანთან დაძაბულობა თავიდან აიცილოს: Stratfor

სომხეთში მოახლოებული არჩევნების წინ, რუსეთი, სავარაუდოდ, გააძლიერებს ნიკოლ ფაშინიანის წინააღმდეგ საინფორმაციო კამპანიებს, გამოიყენებს თეზისებს, რომლებიც მას დასავლეთის მარიონეტად, ქვეყნის უსაფრთხოებისთვის საფრთხედ და ლიდერად წარმოაჩენს, რომელიც ქვეყანას უკრაინის სცენარით წარმართავს, წერს Stratfor-ის ანალიტიკური ცენტრი.

როგორც ანგარიშშია აღნიშნული, მოსკოვი, სავარაუდოდ, თავს არიდებს აშკარა ესკალაციას, რამაც შეიძლება ანტირუსული განწყობების გაღვივება გამოიწვიოს, მაგრამ გამოიყენებს მედიას, ონლაინ პლატფორმებს, ოპოზიციის წარმომადგენლებს და ეკონომიკურ გაფრთხილებებს ფაშინიანის მანევრირების შესაძლებლობების შესაზღუდად.

ფაშინიანის გამარჯვება არ გამოიწვევს სომხეთისა და რუსეთს შორის ეკონომიკური კავშირების გაწყვეტას, მაგრამ, სავარაუდოდ, დააჩქარებს ძალისხმევას ევროკავშირთან და შეერთებულ შტატებთან ურთიერთობების დივერსიფიკაციისთვის უსაფრთხოების, დიპლომატიურ და ეკონომიკურ სფეროებში.

ამავდროულად, არჩევნებში სუსტი მანდატი ან არჩევნების შემდგომი არეულობა მოსკოვს დამატებით შესაძლებლობებს მისცემს, აჩვენოს, რომ ევროკავშირთან დაახლოების კურსი დესტაბილიზაციას იწვევს.