COVID-19 საქართველოში – 28 ივნისის მონაცემები

საქართველოში ახალი კორონავირუსით დაავადებულთა რაოდენობა ბოლო დღე-ღამეში 352-ით გაიზარდა და ინფიცირებულთა საერთო რიცხვმა 363.874-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 350.466 ადამიანი (ბოლო 24 საათში – 808), გარდაიცვალა – 5.275 (ბოლო 24 საათში – 9), კარანტინის რეჟიმშია 40, სტაციონარებში ექიმების დაკვირვების ქვეშ 2.602 პაციენტი, ხოლო კოვიდ–სასტუმროებში 598 ადამიანი იმყოფება.

სულ აცრილია 254.737 პირი, ერთ დღეში აცრილია 604 ადამიანი.