ეკონომიკა
30 პროცენტით გაიზარდა სომხეთიდან ალმასის ექსპორტის მოცულობა
გასულ წელს სომხეთიდან 30 პროცენტით მეტი ბრილიანტი იქნა ექსპორტირებული, ვიდრე 2022 წელს.
ამის შესახებ როგორც „Armenpress“-ი იუწყება, ეკონომიკის მინისტრის მოადგილემ ნარეკ ტერიანმა 2023 წლის მაჩვენებლების შეჯამებისას განაცხადა.
2021 წელს დაარსდა კომპანია „ჰაი-ალმასტი“, რომელიც ალმასის მწარმოებლებისთვის ნედლეულის კონსოლიდატორია.
„საერთოდ, „ჰაი-ალმასტ“-მა მიიზიდა და მწარმოებლებს 58 მილიონი დოლარის ღირებულების ნედლეული მიაწოდა. ხოლო ექსპორტის მთლიანი მოცულობა 2022 წელთან შედარებით დაახლოებით 30 პროცენტით გაიზარდა“, – განაცხადა ნარეკ ტერიანმა.
მისი თქმით, ალმასის წარმოების მოცულობა იზრდება, გასულ წელს 2 ახალი ქარხანა გაიხსნა.
მინისტრის მოადგილის თქმით, სამკაულების წარმოებაც ვითარდება. ასევე იგეგმება ოქროს რეექსპორტზე სახელმწიფო ბაჟის დაწესება.
