ილჰამ ალიევის სიტყვების ინტერპრეტაცია უმადური სამუშაოა. ამის შესახებ ეროვნულ ასამბლეაში ტრადიციულ ბრიფინგზე განაცხადა მმართველი ფრაქციის „სამოქალაქო ხელშეკრულების“ დეპუტატმა არუსიაკ ჯულჰაკიანმა.
მისი თქმით, ალიევს შეუძლია ომის დღის წესრიგით იხელმძღვანელოს. „შესაძლოა, წინასაარჩევნო პერიოდში „მამლაყინწობის“ დიდი სურვილი ჰქონდეს. აქ მთავარია არა ალიევის სურვილები, არამედ ის, რაც გვაინტერესებს მთელ ამ პროცესში“, – განაცხადა ჯულჰაკიანმა.
დეპუტატი არ ფიქრობს, რომ სამშვიდობო დღის წესრიგი, აზერბაიჯანის პრეზიდენტის განცხადებების კონტექსტში, ჩავარდა. „არამხოლოდ არ მიმაჩნია, რომ სამშვიდობო დღის წესრიგი ჩავარდა, არამედ არ მიმაჩნია ისიც, რომ პრინციპში ვერ ჩავარდება. ჩვენ უნდა გავაგრძელოთ ძალისხმევა ამ მიმართულებით. და არა მხოლოდ ჩვენს მეზობლებთან დიალოგში, არამედ ჩვენს საერთაშორისო პარტნიორებთან კონტაქტში. იმიტომ, რომ არა მხოლოდ ჩვენ, არამედ მთელი საერთაშორისო საზოგადოებაა დაინტერესებული ჩვენი რეგიონით მსოფლიოში“, – აღნიშნა ჯულჰაკიანმა.
