პუტინის ქალიშვილი შესაძლოა ახალი თავდაცვის მინისტრის დროს „ჩრდილოვანი მინისტრი“ გახდეს. Bild:

გუშინ ვლადიმერ პუტინის უმცროსი ქალიშვილი, 37 წლის კატერინა ტიხონოვა პეტერბურგში გამართულ საერთაშორისო ეკონომიკურ კონფერენციაზე სიტყვით გამოვიდა. მოსკოვის სახელმწიფო უნივერსიტეტის ფონდის „Innopractice“-ის ხელმძღვანელმა ბიუროკრატიით სავსე ვრცელი სიტყვა წაიკითხა.

„ტექნოლოგიური სუვერენიტეტი გულისხმობს ტექნოლოგიური განვითარების ყველა დაინტერესებული მხარის, მათ შორის მრეწველობის, მეცნიერების, საზოგადოებისა და სახელმწიფოს ეფექტურ ურთიერთქმედებას“, – განაცხადა მან. „ეკონომიკურად ჯანსაღი იმპორტის ჩანაცვლება, სადაც დასაბუთება მიიღწევა დაჩქარებული ტექნოლოგიური განვითარების ყველა მნიშვნელოვანი მონაწილის კოორდინაციით“.

Bild-მა ეს გამოსვლა შეისწავლა და მასში „ფარული გზავნილი“ აღმოაჩინა. ტიხონოვამ თავდაცვის სფეროში იმპორტის ჩანაცვლებაზე ისაუბრა და თავდაცვის ახალ მინისტრს ანდრეი ბელოუსოვს პროექტის მხარდაჭერისთვის მადლობა გადაუხადა.

„ის ფაქტი, რომ კრემლმა პუტინის ქალიშვილს ამ თემის წარმოჩენის საშუალება მისცა, შეიძლება აჩვენოს, თუ რამდენად მნიშვნელოვანია დიქტატორისთვის სამხედრო დამოუკიდებლობა. და ასევე, რომ მას არ სურს დაეყრდნოს თავის ამჟამინდელ მოკავშირეებს, როგორიცაა ჩინეთი და ირანი. ტიხონოვამ განმარტა, რომ 890 მილიონი ევროს ექვივალენტური შეკვეთები „რუსულ კომპანიებს საზღვარგარეთიდან გადაეცა“. იგივე იგეგმება კიდევ 3,4 მილიარდი ევროს შეკვეთაზე. ეს ასევე მოიცავს კონტრაქტებს სამხედრო სექტორში. ასეთი პროგრამების სათავეში ტიხონოვას შეუძლია დიდი გავლენა მოახდინოს რუსეთის ინდუსტრიაზე და, პირველ რიგში, თავდაცვის სექტორზე. როგორც ჩრდილოვანი მინისტრი, რომლის მამაც იმპერატორია“, – წერს პიატოვი. – ექსპერტების აზრით, პუტინმა ბელოუსოვი დანიშნა მინისტრად, რათა ხელი შეუწყოს სამხედრო ინდუსტრიას და საბოლოოდ რუსეთი სამხედრო ეკონომიკის რელსებზე გადაიყვანოს. როგორც ჩანს, ამ საქმეში პუტინის ქალიშვილი უნდა დაეხმაროს“, – წერს გამოცემა.