ისრაელის ქნესეტმა მხარი არ დაუჭირა პალესტინის სახელმწიფოს შექმნას

ისრაელის ქნესეტმა (პარლამენტმა) 18 ივლისს მხარი არ დაუჭირა რეზოლუციას პალესტინის სახელმწიფოს შექმნის წინააღმდეგ. ამის შესახებ “ARMENPRESS”-ის ცნობით, The Times of Israel იუწყება.

გამოცემის ცნობით, დოკუმენტს მხარი 68-მა ადამიანმა მისცა, წინააღმდეგ კი 9-მა. რეზოლუცია მთლიანად უარყოფს პალესტინის სახელმწიფოს შექმნას, თუნდაც ისრაელთან მოლაპარაკების გზით სიტუაციის დარეგულირების ფარგლებში.

„ისრაელის ქნესეტი კატეგორიულად ეწინააღმდეგება იორდანიის დასავლეთით პალესტინის სახელმწიფოს შექმნას. ისრაელის ქვეყნის გულში პალესტინის სახელმწიფოს შექმნა ისრაელის სახელმწიფოსა და მის მოქალაქეებს ეგზისტენციალურ საფრთხეს შეუქმნის, ისრაელ-პალესტინის კონფლიქტს გააგრძელებს და რეგიონში დესტაბილიზაციას მოახდენს“, – ციტირებს გაზეთს რეზოლუციის ამონაწერიდან.

2023 წლის 7 ოქტომბერს პალესტინის რადიკალმა მოძრაობა „ჰამასმა“ დაიწყო შეტევა ისრაელზე, რის შედეგადაც 1200 ადამიანი დაიღუპა და 250-მდე ადამიანი ტყვედ ჩავარდა. ადგილობრივი ხელისუფლების ინფორმაციით, ისრაელის საპასუხო სამხედრო ოპერაციების დროს პალესტინის ანკლავში დაღუპულთა რიცხვმა 38 800-ს მიაღწია. ისრაელმა პირობა დადო, რომ გააგრძელებს ოპერაციებს ჰამასის განადგურებამდე.