საქართველოში გამოკითხულთა 2% სომხეთს  მეგობრად მიიჩნევს

საქართველოს მოქალაქეების უმრავლესობა ქვეყნის მთავარ მტრად რუსეთს მიიჩნევს. ამას მოწმობს „კავკასიური ბარომეტრი 2024“-ის კვლევის შედეგები.

NGnewsgeorgia-ს ინფორმაციით, გამოკითხულთა 69%-მა რუსეთს საქართველოს მთავარი მტერი უწოდა. გამოკითხულთა 4% აშშ-ს საქართველოს მტრად მიიჩნევს, ხოლო 2% თურქეთს.

საქართველოს მეგობრები, გამოკითხვის შედეგების მიხედვით.

აშშ: 24%

აზერბაიჯანი: 8%

უკრაინა: 7%

თურქეთი: 4%

გერმანია: 4%

სომხეთი: 2%

რუსეთი: 2%

საფრანგეთი: 2%

ისრაელი: 1%

ჩინეთი: 1%

გამოკითხულთა მეოთხედზე მეტის (26%) აზრით, საქართველოს სხვა ქვეყნებს შორის მეგობრები არ ჰყავს.

გამოკითხვა 16 აპრილიდან 13 მაისამდე ჩატარდა. პერსონალური გამოკითხვის შედეგად ქართულ, სომხურ და აზერბაიჯანულ ენებზე 1509 ადამიანი გამოიკითხა.

„კავკასიური ბარომეტრი“ არის სოციო-ეკონომიკური საკითხებისა და პოლიტიკური დამოკიდებულების ყოველწლიური კვლევა სომხეთსა და საქართველოში კვლევითი რესურსების კავკასიური ცენტრის მიერ.