ევროპის საბჭოს საპარლამენტო ასამბლეის პრეზიდენტმა გააკრიტიკა ბაქოს გადაწყვეტილება „შავ სიაში“ 76 დეპუტატის შეყვანის შესახებ
ევროპის საბჭოს საპარლამენტო ასამბლეის პრეზიდენტი თეოდოროს რუსოპულოსი გამოეხმაურა აზერბაიჯანის საგარეო საქმეთა მინისტრის განცხადებას, რომ ევროპის საბჭოს საპარლამენტო ასამბლეის ზოგიერთ წევრს აზერბაიჯანში შესვლა ეკრძალება.
„ეს არის მტკივნეული იმპულსი, რომელიც მხოლოდ ართულებს აზერბაიჯანის მდგომარეობას ევროპის საბჭოში. წევრმა ქვეყნებმა აიღეს ვალდებულება პატივი სცენ დემოკრატიის სტანდარტებს. სინდისის მიხედვით ხმის მიმცემთა შავ სიაში შეყვანას შეიძლება მხოლოდ საპირისპირო შედეგი მოჰყვეს“, – თქვა თეოდოროს რუსოპულოსმა.
აზერბაიჯანის საგარეო საქმეთა სამინისტრომ განაცხადა, რომ აკრძალა 76 პოლიტიკოსის შემოსვლა 26 ევროპული ქვეყნიდან და განაცხადა, რომ აკრძალვას მოხსნის მხოლოდ იმ შემთხვევაში, თუ ევროპის საბჭოს საპარლამენტო ასამბლეაში მისი დელეგაციის მანდატი აღდგება.
იანვარში, ხმის უმრავლესობით ევროსაბჭოს საპარლამენტო ასამბლეის პლენარულ სესიაზე მიიღეს გადაწყვეტილება აზერბაიჯანის დელეგაციის მანდატების რატიფიცირების შესახებ. აზერბაიჯანის დელეგაციას 2025 წლის იანვრამდე ჩამოერთვა ევროსაბჭოს საპარლამენტო ასამბლეის საქმიანობაში მონაწილეობის უფლება.
