DPR-მა, Freedom House-მა და ადამიანის უფლებათა საერთაშორისო პარტნიორობამ საერთაშორისო საზოგადოებას წარუდგინეს აზერბაიჯანის მიერ მთიანი ყარაბაღის მოსახლეობის წინააღმდეგ ჩადენილი დანაშაულის მტკიცებულებები
7 ოქტომბერს ვარშავაში, დემოკრატიის განვითარების ფონდმა (FDF), უფლებადამცველმა ორგანიზაციამ Freedom House-მა და ადამიანის უფლებათა საერთაშორისო პარტნიორობამ მოაწყეს სპეციალური ღონისძიება ეუთოს ადამიანის უფლებათა ყოველწლიური კონფერენციის ფარგლებში. რომლის დროსაც საერთაშორისო საზოგადოებას წარუდგინეს მთიანი ყარაბაღის მაცხოვრებლების წინააღმდეგ აზერბაიჯანის ჩადენილი ქმედებები. წარმოდგენილი იქნა ყოვლისმომცველი დოკუმენტაცია მთიანი ყარაბაღის ეთნიკურად სომეხი მოსახლეობის 2020 წლის 44-დღიანი ომიდან 2023 წლის სექტემბრის იძულებით გადაადგილებამდე მდგომარეობის შესახებ“, – ნათქვამია დემოკრატიის განვითარების ფონდის მიერ გავრცელებულ შეტყობინებაში.
მოხსენებაში „რატომ არ არიან სომხები მთიან ყარაბაღში?“, რომლის ძირითადი დასკვნები წარმოდგენილი იყო ვარშავის ღონისძიებაზე, ნათქვამია, რომ აზერბაიჯანმა მთიანი ყარაბაღის სომეხი მოსახლეობა იძულებით გადაადგილებასა და ეთნიკურ წმენდას დაუქვემდებარა მიზანმიმართული და გათვლილი ქმედებებით. 300-ზე მეტ მოწმესთან ინტერვიუებმა და ღია წყაროს მონაცემების ანალიზმა ფაქტების დამდგენი მისიის დროს მიგვიყვანა დასკვნამდე, რომ აზერბაიჯანის ქმედებები წარმოადგენს დანაშაულს საერთაშორისო სისხლის სამართლის სასამართლოს რომის სტატუტის მიხედვით და აკმაყოფილებს მოსახლეობის იძულებით გადაადგილების განმარტებას.
ვარშავაში ორგანიზებული ეს ღონისძიება იყო სომხეთის სამოქალაქო საზოგადოებისთვის კიდევ ერთი შესაძლებლობა წარმოედგინა საერთაშორისო ფაქტების დამდგენი მისიის შედეგები მთიანი ყარაბაღის სომხების უფლებების დარღვევისა და მათი გადასახლების შესახებ.
