სომხეთ-აზერბაიჯანის პროცესი მალე წარმატებით დასრულდება. ტრამპი

აშშ-ის პრეზიდენტი დონალდ ტრამპი თეთრ სახლში ნატოს გენერალურ მდივანს, მარკ რუტეს შეხვდა. აშშ-ის პრეზიდენტმა განაცხადა, რომ თუ მოსკოვი 50 დღის განმავლობაში უკრაინასთან შეთანხმებას არ მიაღწევს, რუსეთს 100%-იან ტარიფებს დაუწესებს.

უკრაინისთვის იარაღის მიწოდებაზე საუბრისას მან კიდევ ერთხელ დაადასტურა, რომ კიევში გაგზავნილი იარაღის საფასურს ნატოს წევრი სახელმწიფოები გადაიხდიან.

ტრამპმა ახსენა კონფლიქტები, რომლებიც მან მეორე ვადის განმავლობაში მოგვარებულად შეაფასა, მათ შორის ინდოეთ-პაკისტანის კონფლიქტი, რუანდასა და კონგოს შორის 30-წლიანი ომის დასრულება და სამშვიდობო შეთანხმების ხელმოწერა.

„შემდეგი, რაც მოგვარდა, არის სომხეთ-აზერბაიჯანის სამშვიდობო პროცესი, რომელიც მალე წარმატებით დასრულდება“, – თქვა აშშ-ის პრეზიდენტმა.

ტრამპმა ასევე პირობა დადო, რომ უახლოეს მომავალში ღაზას სექტორთან დაკავშირებით სიახლეებს გამოაცხადებს.