24 ნოემბერს, სომხეთის ეროვნული ასამბლეის თავმჯდომარე ალენ სიმონიანი შეხვდა ეუთოს საპარლამენტო ასამბლეის ვიცე-პრეზიდენტს, სამხრეთ კავკასიაში ეუთოს საპარლამენტო ასამბლეის სპეციალურ წარმომადგენელს ლუის გრასას (პორტუგალია). ეუთოს საპარლამენტო ასამბლეის ვიცე-პრეზიდენტმა დადებითად შეაფასა სომხეთში განხორციელებული დემოკრატიული რეფორმები და აღნიშნა, რომ ისინი კვლავაც მხარს დაუჭერენ ამ პროცესს. ამის შესახებ ცნობას ეროვნული ასამბლეა ავრცელებს.
თანამოსაუბრეების დისკუსია სომხეთ-ევროკავშირის თანამშრომლობის საკითხებს, ასევე სომხეთსა და აზერბაიჯანს შორის ურთიერთობების ნორმალიზაციის პროცესსა და რეგიონულ მოვლენებს შეეხო.
ალენ სიმონიანმა ასევე ლუის გრასას ყურადღება აზერბაიჯანში ტყვეების, უკანონოდ დაკავებული პირების და უგზო-უკვლოდ დაკარგული პირების საკითხზე გაამახვილა.
