სომხურ-ამერიკული ეკონომიკური თანამშრომლობა პრაქტიკულ მიმართულებას იღებს: Firebird-ის მონაცემთა ცენტრის პროექტის პირველი ფაზისთვის 300 მილიონი დოლარის ინვესტიცია გამოცხადდა. ინვესტიცია განიხილება, როგორც ორმხრივი თანამშრომლობის კონკრეტული შედეგი გასული წლის 8 აგვისტოს ვაშინგტონში გამართული სამშვიდობო სამიტის შემდეგ და მიზნად ისახავს ხელოვნური ინტელექტისა და ნახევარგამტარების სფეროებში ერთობლივი ინიციატივების შემუშავებას.
აშშ-ის საელჩო სომხეთში იუწყება, რომ პროგრამის განხორციელება მიზნად ისახავს სომხეთის, როგორც რეგიონული ტექნოლოგიური ცენტრის, პოზიციების განმტკიცებას. „სომხურ-ამერიკული ეკონომიკური კავშირები კვლავ ღრმავდება, რასაც ახალი ინვესტიციები და თანამშრომლობა ადასტურებს.
აშშ-ის ელჩის მოვალეობის შემსრულებელმა დევიდ ალენმა სომეხ ოფიციალურ პირებთან და ადგილობრივ ფინანსურ პარტნიორებთან ერთად ხელმოწერის ცერემონიაზე გამოაცხადა 300 მილიონი დოლარის ღირებულების Firebird მონაცემთა ცენტრის პროექტის პირველი ფაზის შესახებ, რაც აშშ-სა და სომხეთს შორის 8 აგვისტოს ვაშინგტონის სამშვიდობო სამიტის შემდეგ ორმხრივი პარტნიორობის მნიშვნელოვან პროგრესს აღნიშნავს.
ეს ინვესტიცია მიზნად ისახავს ჩვენი საერთო ხედვის წინსვლას, როგორც ეს ასახულია აშშ-სა და სომხეთის მთავრობებს შორის ნახევარგამტარებისა და მონაცემთა ცენტრების სექტორებში ინოვაციური პარტნიორობის შესახებ ურთიერთგაგების მემორანდუმში და სომხეთს რეგიონში ტექნოლოგიურ ლიდერად ასახელებს. ჩვენ ვამაყობთ, რომ ვხედავთ ჩვენი ორმხრივი პარტნიორობის ხელშესახებ შედეგებს“, – ნათქვამია განცხადებაში.
