ირანმა აღიარა, რომ შემთხვევით ჩამოაგდო უკრაინული ბოინგი

”ადამიანური შეცდომის შედეგად და შემთხვევით მოხდა, რომ ეს თვითმფრინავი ჩამოაგდეს.” – ნათქვამია სახელმწიფო ტელევიზიისა და რადიო კომპანია IRIB- ს მიერ გავრცელებულ განცხადებაში.

უკრაინის ავიაკომპანია „უკრაინის საერთაშორისო ავიახაზების“    სამგზავრო Boeing-ი, რომელმაც თეირანთან  კატასტროფა განიცადა, შემთხვევით იქნა ჩამოგდებული უბრალო „ადამიანური შეცდომის“ გამო.  ამის შესახებ ნათქვამია ირანის შეიარაღებული ძალების გენერალური შტაბის განცხადებაში.

როგორც 11 იანვრის  ცნობაში  აღწერს    „რია ნოვოსტი“ , გენერალურ შტაბში აღნიშნეს, რომ თვითმფრინავი მიფრინავდა  მნიშვნელოვან სამხედრო ობიექტებთან და ეს მოხდა „ მაღალი სამხედრო მომზადების პირობებში“, რაც დაკავშირებული იყო იმასთან, რომ ერაყის ამერიკულ ბაზებზე განხორციელებული  შეტევის შემდეგ ელოდნენ აშშ-ს საპასუხო დარტყმას.

ირანის პრეზიდენტმა ჰასან როჰანმა ბრძანა, რომ მიიღონ აუცილებელი ზომები ჩამოგდებული თვითმფრინავის კომპენსაციისთვის. გარდა ამისა, მან თქვა, რომ თეირანი გააგრძელებს კატასტროფის მიზეზების გამოძიებას.

„ ამ მეტად უდიდესი ტრაგედიისა და მოუტევებელი შეცდომის გამოძიება გაგრძელდება, რათა მიზეზები დადგინდეს კანონის ფარგლებში“,  – აღნიშნა  როჰანმა Twitter– ში გამოქვეყნებულ განცხადებაში.

პოლიტიკოსმა ასევე აღნიშნა, რომ საჭიროა ირანის საჰაერო თავდაცვის სისტემის ხარვეზების აღმოფხვრა.

თავის მხრივ, ირანის საგარეო საქმეთა მინისტრმა ჯავად ზარიფმა Twitter- ის თავის გვერდზე გაკეთებულ ჩანაწერში აღნიშნა, რომ „ეს იყო ადამიანური შეცდომა მოხდა კრიზისის დროს, რომელიც იქნა პროვოცირებული აშშ-ს ავანტიურიზმის წყალობით“.  მან ასევე მიუსამძიმრა  და ბოდიში მოუხადა   კატასტროფის შედეგად დაღუპულთა ოჯახებს.

8 იანვარს, უკრაინის საერთაშორისო ავიახაზები Boeing 737 -მა კატასტროფა განიცადა თეირანის აეროპორტიდან გასვლის შემდეგ. დაიღუპა 176 ადამიანი: ავღანეთის, გერმანიის, ირანის, კანადას, უკრაინის, დიდი ბრიტანეთისა და შვედეთის მოქალაქეები.

დასავლეთის რიგმა ლიდერებმა განაცხადეს, რომ თვითმფრინავის ჩამოგდება შეიძლებოდა მომხდარიყო სარაკეტო დარტყმის გამო; ირანელი   ჩინოვნიკები ადრე უარყოფდნენ ასეთ შესაძლებლობას. პარასკევს New York Times– მა გამოაქვეყნა ვიდეო, რომელშიც ნათქვამია, რომ ჩანაწერი გაკეთდა იმ მომენტში,  როდესაც რაკეტა Boeing– ს შეეჯახა.