News.am-ის ინფორმაციით, მოკლევადიან პერიოდში კორონავირუსის შედეგები სერიოზულ გავლენას მოახდენს სომხეთის ეკონომიკაზე. ამის შესახებ 19 მარტს განაცხადა ეკონომიკის მინისტრმა ტიგრან ხაჩატრიანმა ჟურნალისტებთან შეხვედრაზე.
მისი თქმით, ნავთობის ფასების ვარდნამ მსოფლიო ეკონომიკაში არასტაბილურობა შეიტანა. ”სომხეთმა, როგორც ნავთობპროდუქტებისა და ენერგიის წყაროების იმპორტიორმა, ერთი შეხედვით უნდა ისარგებლოს, მაგრამ ამ სიტუაციამ შეარყია რუსეთის ეკონომიკა, რომელიც არის ჩვენი მთავარი საექსპორტო ბაზარი და გამოიწვია სპილენძის მსოფლიო ფასების 6,000 აშშ დოლარიდან 4,800 დოლარამდე ვარდნა.
”უნდა აღინიშნოს, რომ გასულ წელს ამ პროდუქტის ექსპორტიდან საბიუჯეტო შემოსავალი 550 მილიონ აშშ დოლარზე მეტს შეადგენდა”, – აღნიშნა მან. ტიგრან ხაჩატრიანმა აღნიშნა, რომ ტურიზმმაც განიცადა ზარალი. მინისტრმა დამარწმუნებულად აღნიშნა, რომ ამ სირთულეებმა, ყველაფერთან ერთად, მომავალში შეიძლება შექმნან დამატებითი შესაძლებლობები, რის გამოც სომხეთის მთავრობა დღეს მზად არის ხელი შეუწყოს იმ ორგანიზაციებს, რომლებიც შეიმუშავებენ ახალი რეალობის განვითარების გეგმას.
