2021 წლის პირველი ნახევრის შედეგების მიხედვით, სომხეთში ეკონომიკური აქტივობის ინდექსი იანვარ-ივნისში 5% -ით გაიზარდა, 2020 წლის ანალოგიურ პერიოდთან შედარებით ხოლო ივნისის ზრდამ 8% შეადგინა გასული წლის ივნისთან შედარებით. “არმენპრესის” ცნობით, ამის დასტურია სომხეთის სტატისტიკის კომიტეტის მიერ გამოქვეყნებული მონაცემები.
სამრეწველო წარმოების მოცულობა იანვარ-ივნისში, 2020 წლის იანვარ-ივნისთან შედარებით, გაიზარდა 2.1% -ით, მთლიანი სოფლის მეურნეობის პროდუქციის მოცულობა – 6.8% -ით, მშენებლობის მოცულობა – 10.8% -ით.
იანვარ-ივნისში სავაჭრო ბრუნვა გაიზარდა 8% -ით, ხოლო გაწეული მომსახურების მოცულობა (ვაჭრობის გარეშე) 2.7% -ით.
2021 წლის იანვარ-ივნისში სამომხმარებლო ფასების ინდექსი გაიზარდა 5,7% -ით, სამრეწველო პროდუქტის ფასების ინდექსი – 10% -ით, ელექტროენერგიის წარმოების მოცულობა – 0,5% -ით.
მიმდინარე წლის იანვარ-ივნისში საგარეო სავაჭრო ბრუნვა წინა წლის ანალოგიურ პერიოდთან შედარებით 13.4% -ით გაიზარდა, ხოლო ზრდამ მხოლოდ ივნისში, წინა წლის ივნისთან შედარებით, 20.1% შეადგინა.
იანვარ-ივნისში სომხეთიდან ექსპორტი 23.3% -ით, ხოლო იმპორტი 7.9% -ით გაიზარდა.
დრამის გაცვლითი კურსი აშშ დოლარის მიმართ 2021 წლის იანვარ-ივნისში 522.08 იყო.
