როგორც ქართული მედია წერს, დღეს დილიდანვე საქართველოს სხვადასხვა რეგიონებიდან დაიძრნენ ავტოკლონები „ქართული ოცნების“ აქციაში მონაწილეობის მიღების მიზნით. “ქართული ოცნების” მხარდამჭერები სამარშუტო ტაქსებით, ავტობუსებითა და მსუბუქი მანქანებით თავისუფლების მოედნისკენ მიემართებიან.
ავტოკოლონებით ჩამოსული მხარდამჭერები თავს 5 საათზე, თავისუფლების მოედანზე მოიყრიან. სწორედ ამ დროს დედაქალაქის მთავარ მოედანზე მმართველი გუნდის ლიდერები სიტყვით გამოსვლებს დაიწყებენ. ამ ღონისძიებით “ქართული ოცნება” იმ საარჩევნო შეხვედრებს შეაჯამებს, რომლებიც რეგიონებში უკვე ჩატარდა და საარჩევნო კამპანიას ოფიციალურად დაასრულებს.
