სრ განათლების, მეცნიერების, კულტურისა და სპორტის სამინისტროს დელეგაცია საქართველოში 6-8 დეკემბერს იმყოფება. როგორც „არმენპრესი“ იტყობინება, სამუშაო ჯგუფის ვიზიტი სრ განათლების, მეცნიერების, კულტურისა და სპორტის სამინისტროს ინიციატივით გაიმართა.
სამუშაო ჯგუფის წევრები არიან სომხეთის რესპუბლიკის განათლებისა და მეცნიერების მინისტრის მოადგილე არა ხზმალიანი, კულტურული მემკვიდრეობისა და ხალხური რეწვის დეპარტამენტის უფროსი ასტღიკ მარაბიანი, სომხეთის სახელმწიფო ფილარმონიის დირექტორი არტიომ ნაღდიანი, ესთეტიკის ნაციონალური ცენტრის დირექტორი ვაჰან ბადალიანი, სოს სარგსიანის ეროვნული თეატრის მსახიობი, რეჟისორი ნარინე გრიგორიანი.
სომხურ-ქართული კულტურული კავშირების ხელშეწყობის მიზნით, საქართველოს კულტურის, სპორტისა და ახალგაზრდობის სამინისტროსთან განიხილება თანამედროვე ხელოვნების სფეროში შემდგომი თანამშრომლობის, კულტურული მემკვიდრეობის შენარჩუნების, ძეგლების რესტავრაციის, შემდგომი თანამშრომლობის საკითხები. ვიზიტის ფარგლებში დაგეგმილია დოკუმენტის ხელმოწერა, რომელიც მოიცავს კულტურის სფეროში თანამშრომლობის ნაბიჯებს, ურთიერთთანამშრომლობის განვითარებისკენ მიმართული ქმედებების წრეებს.
