,,არმიფო“ წერს, რომ როგორც ჩანს, ქუჩაში დიდი მასების არარსებობის მთავარი ახსნა მათი აქ მომწვევი საპარლამენტო ოპოზიციის მომწამვლელობაში უნდა ვეძებოთ. ასეთი აზრი გამოთქვა ,,არმინფოს“ სოციოლოგმა კარენ სარგსიანმა.
„ანუ ჩვენს ხალხს კარგად ესმის, რომ ქუჩაში გამოჩენით იმ ოპოზიციის გვერდით, მომავალში კიდევ უფრო ახალ პრობლემებს მიიღებს, ძველები კი საკითხს ვერ მოაგვარებენ. სხვა გარემოება, ჩემი აზრით, არის ის, რომ ჩვენი საზოგადოება “ხავერდოვანი” რევოლუციის შემდეგ “მსგავსი მასშტაბური პროტესტისთვის ჯერ მზად არ არის, ობიექტური მიზეზების გამო. განსაკუთრებით ეპიდემიისა და ომის შემდეგ”, – თქვა მან.
კიდევ ერთ, ალბათ, ყველაზე მნიშვნელოვან მიზეზად, რის გამოც მოქალაქეებს არ სურთ ხელისუფლების წინააღმდეგ გამართულ საპროტესტო აქციებში მონაწილეობა, სოციოლოგი ქუჩის ოპოზიციის დღის წესრიგის გაურკვევლობას მიუთითებს. მისი აზრით, ნებისმიერი სოციოლოგიური გამოკითხვა სომხეთის ნებისმიერ რეგიონში აჩვენებს მიმდინარე საპროტესტო აქციების მიზნების არარსებობას. „მაგალითად, მე არ მგონია, რომ რეგიონების რომელიმე მცხოვრებს პასუხის გაცემას შეუძლია კითხვაზე, რატომ გაშალა ოპოზიციამ კარვები ერევნის ცენტრში. უბრალოდ, ხელისუფლების წინაშე წარდგენილი მოთხოვნები არ გულისხმობს საფრანგეთის მოედანზე კარვებში ჯდომას.
ბოლოს და ბოლოს, საზოგადოების წუხილი არცახის ბედზე არაფერს ცვლის. ასეთ საკითხებს ქუჩაში კი არა, ოფისებში წყვეტენ. ვფიქრობ, დღეს ეს თითქმის ყველას ესმის. მათ შორის, გარე ძალებსაც, რომლებსაც არ სურთ ასეთი დღის წესრიგით ოპოზიციაზე დახარჯვა“, – დაასკვნა სარგსიანმა.
