პრემიერ-მინისტრმა ნიკოლ ფაშინიანმა მიიღო FIFA-ს პრეზიდენტი ჯანი ინფანტინო, რომელიც სომხეთის ფეხბურთის ფედერაციის 30 წლისთავისადმი მიძღვნილი ღონისძიებების ფარგლებში ეწვია ჩვენს ქვეყანას.
როგორც არმენპრესს სომხეთის რესპუბლიკის მთავრობაში აცნობეს, პრემიერ-მინისტრი მიესალმა ჯანი ინფანტინოს ვიზიტს სომხეთში და მონაწილეობას FFA-ს 30 წლის საიუბილეო ღონისძიებაში, რაც მოწმობს FIFA-სა და FFA-ს შორის ეფექტურ თანამშრომლობას. ნიკოლ ფაშინიანმა კმაყოფილებით აღნიშნა, რომ ბოლო წლებში სომხეთში FIFA-ს მხარდაჭერით 90-მდე პატარა სტადიონი აშენდა.
„ფეხბურთის ინფრასტრუქტურის განვითარებას დიდი პოტენციალი აქვს არა მხოლოდ სპორტული, არამედ საგანმანათლებლო, სოციალური და კულტურული მიზნებისთვის. მთავრობამ დაიწყო რადიკალური რეფორმები ჯანსაღი ცხოვრების სფეროში და თანამშრომლობს FIFA-სთან და სხვა საერთაშორისო პარტნიორებთან“, – განაცხადა მან.
მაღალი შეფასებისათვის მადლობა მოახსენა რა ფიფას პრეზიდენტმა აღნიშნა, რომ სომხეთს პირველად სტუმრობდა და შთაბეჭდილება მოახდინა ჩვენი ქვეყნით, მდიდარი ისტორიითა და კულტურით. ჯანი ინფანტინომ ხაზი გაუსვა სპორტულ-საგანმანათლებლო კავშირის მნიშვნელობას და აღნიშნა, რომ FIFA გააგრძელებს სომხეთის მხარდაჭერას საფეხბურთო ინფრასტრუქტურის განვითარებაში, არა მხოლოდ სპორტული, არამედ საგანმანათლებლო და სოციალური განვითარების პროგრამებიც.
