29 ივნისს სომხეთის ეროვნული ასამბლეის თავმჯდომარემ ალენ სიმონიანმა მიიღო ისრაელის სახელმწიფოს საგანგებო და სრულუფლებიანი ელჩი სომხეთში ჯოელ ლიონი. ალენ სიმონიანმა მიულოცა მას სომხეთის რესპუბლიკაში ისრაელის სახელმწიფოს საგანგებო და სრულუფლებიან ელჩად დანიშვნა და ნაყოფიერი საქმიანობა უსურვა.
„საელჩოები ორმხრივი ურთიერთობების შემდგომი განვითარების ქვაკუთხედია. სრული იმედი მაქვს, რომ თქვენს საქმიანობას მნიშვნელოვანი შედეგი მოჰყვება სომხეთ-ისრაელის ურთიერთობებისთვის, ხელს შეუწყობს საპარლამენტთაშორისო თანამშრომლობის შემდგომ განვითარებას”, – აღნიშნა პარლამენტის თავმჯდომარემ.
საპარლამენტთაშორისო კავშირების კონტექსტში ფართოდ განიხილეს საპარლამენტო მეგობრობის ჯგუფების საქმიანობა.
ორივე მხარემ განაცხადა, რომ ჩვენს ხალხებს შორის ისტორიული და კულტურული კავშირების არსებობა და ბედის მსგავსება თანამშრომლობის ხელსაყრელი ატმოსფეროს შექმნის წინაპირობაა.
მათ მოსაზრებები გაცვალეს რეგიონში ადგილობრივი სტაბილურობის დამყარების თაობაზე.
