STARMUS VI ფესტივალის ფარგლებში სომხეთში ჩასული მეცნიერები და სტუმრები აღფრთოვანებული დარჩნენ ქვეყნის კულტურით, ისტორიითა და გემრიელი კერძებით.
„არმენპრესის“ ინფორმაციით, მისიის „აპოლო-16“-ის მონაწილემ, ასტრონავტმა ჩარლი დიუკმა განაცხადა, რომ პირველის გარდა, ყველა STARMUS-ში მონაწილეობდა.
„ამჯერად მე მეუღლესთან ერთად ვარ სომხეთში და ჩემთვის დიდი პატივია ვისარგებლო ამ ხალხის სტუმართმოყვარეობით, ასევე აღმოვაჩინო ის მდიდარი ისტორიული და კულტურული მემკვიდრეობა, რაც ამ ქვეყანას აქვს“, – განაცხადა მან.
შერწყმის მეცნიერებისა და ტექნოლოგიების სპეციალისტი და მკვლევარი ტონი დონი აღფრთოვანებულია სომხეთში STARMUSI-ზე მიმდინარე დისკუსიებით.
„მიუხედავად იმისა, თქვენ ურთიერთობთ მეცნიერთან თუ უშუალო მონაწილესთან, ყველა ღიაა კითხვებისთვის, პასუხებისთვის და დისკუსიებისთვის. მე პირველად ვარ სომხეთში და მინდა საგანგებოდ აღვნიშნო, რომ აქ არის ყველაზე მშვენიერი ხალხი, ყველაზე გემრიელი საჭმელი. იმდენად შემიყვარდა სომხეთი, რომ იმედი მაქვს მომავალ წელს შევძლებ სომხეთს კვლავ ვესტუმრო“, – განაცხადა მან.
