კოლექტიური უსაფრთხოების ხელშეკრულების ორგანიზაცია (კუხო) გამოთქვამს მზადყოფნას გამოაგზავნოს მისია სომხეთ-აზერბაიჯანის საზღვარზე სომხეთის უსაფრთხოების უზრუნველსაყოფად, იტყობინება TASS, განაცხადა კუხო-ს სამდივნოს წარმომადგენელმა იური შუვალოვმა.
„რაც შეეხება კოლექტიურ უსაფრთხოებას კავკასიის რეგიონში, ორგანიზაცია ყოველთვის მზადაა გაგზავნოს კუხო-ს მისია სომხეთ-აზერბაიჯანის საზღვარზე სომხეთის უსაფრთხოების უზრუნველსაყოფად და სხვა დახმარების გაწევის ინტერესებიდან გამომდინარე“, განუცხადა მან ჟურნალისტებს პარასკევს, ორგანიზაციის შტაბ-ბინაში გაფართოებული ლიდერთა გუნდის შეხვედრის შემდეგ.
შუვალოვის თქმით, დახმარების ღონისძიებები უკვე შედის კუხო-ს კოლექტიური უშიშროების საბჭოს გადაწყვეტილების პროექტში, რომელზეც ამჟამად მიმდინარეობს მუშაობა.