სომხეთი მნიშვნელობას ანიჭებს საქართველოსთან თბილ მეზობლურ ურთიერთობებს. პრეზიდენტი
რესპუბლიკის პრეზიდენტმა ვაჰაგნ ხაჩატურიანმა საქართველოს პრეზიდენტს სალომე ზურაბიშვილს ეროვნული დღესასწაული, სახელმწიფო დამოუკიდებლობის აღდგენის დღე მიულოცა.
Radar Armenia-ს ინფორმაციით, პრეზიდენტ ხაჩატურიანის მიმართვაში კონკრეტულად წერია:
„105 წლის წინ საქართველოს ხალხმა გადაწყვიტა შეექმნა დამოუკიდებელი სახელმწიფო და დღესაც აგრძელებს მტკიცე გზას დემოკრატიული და აყვავებული ქვეყნის ასაშენებლად.
სომხეთი დიდ მნიშვნელობას ანიჭებს საქართველოსთან თბილ მეზობლურ ურთიერთობას, რომელიც დაფუძნებულია როგორც ურთიერთნდობასა და პატივისცემაზე, ასევე ორ ხალხს შორის მჭიდრო კულტურულ და ისტორიულ კავშირებზე.
სიამოვნებით აღვნიშნავ, რომ მაღალი დონის პოლიტიკური დიალოგი და რეგულარული კონტაქტები განსაკუთრებულ დინამიკას აძლევს არსებული თანამშრომლობის გაფართოებას და შემდგომ გაღრმავებას.
დარწმუნებული ვარ, რომ ორმხრივი ძალისხმევით ჩვენ ხელს შევუწყობთ ჩვენს ქვეყნებს შორის ურთიერთობების თანმიმდევრულ განმტკიცებასა და განვითარებას“.
