რუსეთიდან მიგრანტების შემოდინების მხრივ სომხეთი ყოველთვის პირველ სამეულშია. ფინანსთა მინისტრი

სომხეთის მთავრობა  რეფორმებს ახორციელებს სხვადასხვა სტრატეგიულ სფეროში და სხვადასხვა მომსახურებას უწევს საზოგადოებას, მათ შორის უსაფრთხოების სექტორში. News.am-ის გადმოცემით, ამის შესახებ 14 ივნისს, პარლამენტის სხდომაზე 2022 წლის სახელმწიფო ბიუჯეტის შესრულების ანგარიშის განხილვისას განაცხადა ფინანსთა მინისტრმა ვაჰე ჰოვჰანნისიანმა.

მინისტრის თქმით, უსაფრთხოებისა და ლოჯისტიკასთან დაკავშირებული პრობლემების მიუხედავად, სომხეთი შესანიშნავი ადგილია საცხოვრებლად, განსაკუთრებით შემოქმედებითი საქმიანობისთვის. „კორუფციის დაბალმა დონემ, სახელმწიფო ადმინისტრაციის სისტემის ეფექტურობის ხარისხმა, ხელსაყრელმა საგადასახადო გარემომ, სტაბილურმა ფინანსურმა სისტემამ და სხვა ფაქტორებმა ჩვენი ქვეყანა მიმზიდველი გახადა ათასობით ტურისტისთვის და უცხოელისთვის, მათ შორის რუსი მიგრანტებისთვის“, – განაცხადა ჰოვჰანნისიანმა.

მისი თქმით, ამ ყველაფერში უდიდეს როლს ასრულებს ხელისუფლების ყოველდღიური შრომა.

მისი თქმით, რუსეთიდან მიგრანტების შემოდინების ინდექსით სომხეთი ყოველთვის პირველ სამეულში ჩნდება. „და უბრალოდ უნდა იკითხო, რატომ არ არის, მაგალითად, აზერბაიჯანი ამ სიაში. ჩვენ კონკურენციას ვუწევთ ისეთ ქვეყნებს, როგორიცაა თურქეთი, ყაზახეთი და არაბთა გაერთიანებული საამიროები. ანუ იმ ქვეყნებს, რომლებსაც განვითარების უფრო მაღალი დონე აქვთ. ანუ მთავრობამ შექმნა ისეთი გარემო, სადაც ადამიანებს უნდათ ცხოვრება, მუშაობა და ინვესტირება“, – დაასკვნა მან.