ყაზახი არის დასავლეთ აზერბაიჯანი, ხოლო სასაზღვრო სვეტის ამ მხარეს არის სომხეთის რესპუბლიკა   -ფაშინიანი

ტავუშის რეგიონში საზღვრის დელიმიტაციის შედეგად ამ დღეებში დამონტაჟებული სვეტები აზერბაიჯანის მხრიდან მომდინარე საფრთხეების აღმოფხვრას ისახავს მიზნად. ამის შესახებ სომხეთის პრემიერ-მინისტრმა ნიკოლ ფაშინიანმა 7 მაისს გამართულ პრესკონფერენციაზე განაცხადა.

აზერბაიჯანის სხვადასხვა წრეების მიერ სომხეთისთვის ბოლო დროს გამოყენებული ტერმინი „დასავლეთ აზერბაიჯანი“,  როგორც  ფაშინიანმა აღნიშნა,  საფრთხეს წარმოადგენს სომხეთის უსაფრთხოებისთვის.

„ჩვენ ვცდილობთ ამ საფრთხის მართვას დემარკაციის გზით.

სვეტები, რომლებიც დამონტაჟდა ვოსკეფარის ან კირანცის მონაკვეთზე, არის იმის დადასტურება, რომ დასავლეთ აზერბაიჯანი არ არსებობს. არის აზერბაიჯანი, რომელიც სვეტს მიღმაა. „ყაზახი  დასავლეთ აზერბაიჯანია, სვეტის ეს მხარე კი სომხეთის რესპუბლიკაა“, – განაცხადა პრემიერმა.

შეგახსენებთ, რომ 2024 წლის 6 მაისს, საკოორდინაციო რეგულირების სამუშაოების ფარგლებში, სომხეთის რესპუბლიკისა და აზერბაიჯანის რესპუბლიკის საზღვარზე, გეოდეზიური გაზომვების საფუძველზე დამონტაჟდა 40 სასაზღვრო ბოძი.