წელს სომხეთი ევროვიზიაზე ბენდ „ლადანივა“-თი იქნება წარმოდგენილი. გადაწყვეტილება საზოგადოებრივმა ტელევიზიამ შიდა არჩევნებით მიიღო.
“ლადანივა”-ს წევრებია სომეხი ვოკალისტი ჟაკლინ ბაღდასარიანი და ფრანგი მულტიინსტრუმენტალისტი ლუი თომასი, რაც სომხური ხალხური და მსოფლიო მუსიკის გავლენის ნათელი შერწყმაა. მათი სიმღერები აფართოებს მუსიკის საზღვრებს, აერთიანებს ტრადიციულ სომხურ მელოდიებს ლათინურ ამერიკაში, აფრიკასა და რეუნიონის კუნძულზე ფართო მოგზაურობით შთაგონებულ ხმებს. „ლადანივას“ მუსიკა ჯგუფის მრავალმხრივი წარმოშობისა და მსოფლიო კულტურისადმი დაუოკებელი ინტერესის ანარეკლია.
2019 წელს დაარსებულმა ლადანივამ პოპულარობა მოიპოვა ჰიტ სიმღერით „ვაი ამანი“, შემოიტანა ახალი სტილი და ინოვაციური მიდგომები მუსიკალურ სამყაროში. 2023 წელს ჯგუფმა გამოუშვა თავისი პირველი ალბომი “Ladaniva” ფრანგული ლეიბლის “PIAS” ქვეშ.
„ლადანივას“ ერთი მისია აქვს. ხალხისა და კულტურების გაერთიანება მუსიკის საშუალებით. ჯგუფის გამოსვლა „ევროვიზიაზე 2024”-ზე იქნება კულტურული ხიდი და მრავალფეროვნების, შემოქმედებისა და მუსიკის ზეიმი. სომხეთის წლევანდელი სიმღერა და ვიდეო რამდენიმე დღეში გამოქვეყნდება.
