ჩვენ ვემზადებით სომხეთსა და ევროკავშირს შორის ვიზალიბერალიზაციის დიალოგის დასაწყებად  –  უნგრეთის საგარეო საქმეთა მინისტრი

ევროკავშირი სომხეთთან პარტნიორობის დღის წესრიგს ამზადებს.

ამის შესახებ უნგრეთის საგარეო საქმეთა და ვაჭრობის მინისტრმა პეტერ სიიარტომ  ბუდაპეშტში სომხეთის საგარეო საქმეთა მინისტრ არარატ მირზოიანთან ერთობლივ პრესკონფერენციაზე განაცხადა.

„როგორც მოსამზადებელი ქმედება ევროკავშირში ჩვენი პრეზიდენტობის წინ, ჩვენ შევძელით ნაბიჯების გადადგმა სომხეთსა და ევროკავშირს შორის ურთიერთობების გასავითარებლად. ვაპირებთ ევროკავშირსა და სომხეთს შორის პარტნიორობის დღის წესრიგის მომზადებას. გარდა ამისა, ვაპირებთ ორ მხარეს შორის ლიბერალიზაციის დიალოგის დაწყებას“, – განაცხადა მინისტრმა.

სიიარტომ იმედი გამოთქვა, რომ ეს ორი პროცესი წარმატებული და ეფექტური იქნება.

უნგრეთი ევროკავშირის თავმჯდომარის პოზიციას 2024 წლის 1 ივლისიდან დაიკავებს.