სომხეთის მიერ პალესტინის დამოუკიდებელ სახელმწიფოდ აღიარება, გეოპოლიტიკური თვალსაზრისით, სწორი ნაბიჯი იყო. საფრასტიანი

სომხეთის მიერ პალესტინის დამოუკიდებელ სახელმწიფოდ აღიარება, თურქოლოგ რუბენ საფრასტიანის აზრით, სწორი ნაბიჯი იყო გეოპოლიტიკური თვალსაზრისით.

,,აზატუთიან“-თან საუბარში საფრასტიანმა ეს მოსალოდნელ ნაბიჯად მიიჩნია და აღნიშნა, რომ ამით სომხეთი უერთდება მსოფლიოს დაახლოებით 140 ქვეყანას, რომლებმაც აღიარეს პალესტინა დამოუკიდებელ სახელმწიფოდ, ანუ მხარს უჭერენ ორი სახელმწიფოს იდეოლოგიაზე დაფუძნებულ ამ რთული პალესტინისა და ისრაელის  პრობლემის გადაჭრის მიდგომას.

„ვფიქრობ, რომ ეს სწორი ნაბიჯი იყო გეოპოლიტიკური თვალსაზრისით და თურქეთი რომ ამას კმაყოფილებით უყურებს, თურქეთის პოლიტიკით არის განპირობებული. ეს არის თურქეთის მიდგომა ამ საკითხთან დაკავშირებით, სადაც ერდოღანი და თურქეთი ცდილობენ აიმაღლონ თავიანთი ავტორიტეტი ისლამურ სამყაროში, არაბულ სამყაროში“, – თქვა საფრასტიანმა და განაგრძო: – „თურქეთი აქაც თავის თამაშს თამაშობს. ერთის მხრივ, ის ცდილობს გამოიყენოს მკვეთრი, ანტიისრაელის რიტორიკა, რათა აამაღლოს თავისი ავტორიტეტი ისლამურ, არაბულ სამყაროში, მაგრამ, მეორე მხრივ, ცდილობს მიიღოს რაც შეიძლება მეტი სარგებელი და შეინარჩუნოს ის სარგებელი, რომელსაც იღებდა ისრაელთან თანამშრომლობით. თუკი თურქეთის ამ ზოგადი პოლიტიკის ფარგლებში გადავხედავთ სომხეთის სვლას და ეს ასე ხდება ანკარადან, ცხადი ხდება, რომ სომხეთის მიერ პალესტინის დამოუკიდებელ სახელმწიფოდ აღიარება პოზიტიური ნაბიჯია ანკარისთვის“.

21 ივნისს ერევანმა განაცხადა, რომ აღიარებს პალესტინის სახელმწიფოს. სომხეთის ამ გადაწყვეტილებას პალესტინა მადლობით, ისრაელი კი მკაცრი კრიტიკით გამოეხმაურა. თურქეთის პრეზიდენტი მიესალმა სომხეთის მიერ პალესტინის აღიარებას.