როგორც სომხეთში, ასევე აზერბაიჯანში საზღვრის დელიმიტაციის კომისიების რეგულაციები რატიფიცირებულია, რაც იმას ნიშნავს, რომ საზღვრის დელიმიტაციის პროცესი უნდა გაგრძელდეს, – განაცხადა ნიკოლ ფაშინიანმა „არმენპრესთან“ ინტერვიუში საზღვრის დელიმიტაციის პროცესზე საუბრისას.
“ვფიქრობ, უახლოეს მომავალში სადემარკაციო კომისიები შეიკრიბებიან, რათა განიხილონ, რომელ სექტორში უნდა გაგრძელდეს დემარკაცია. ჩვენ მზად ვართ აქ კონკრეტული, კონსტრუქციული მუშაობისთვის”.
კითხვაზე, თუ როგორ გადაწყდება რეგიონული კომუნიკაციების საკითხი, აგრძელებს თუ არა აზერბაიჯანი დერეფნის ლოგიკის განვითარებას, პრემიერმა აღნიშნა, რომ მათ იპოვეს გამოსავალი, თუ როგორ უნდა გაიხსნას სარკინიგზო კომუნიკაცია.
„ჩვენი აზრით, ჩვენ ვიპოვეთ გამოსავალი, თუ როგორ უნდა გაიხსნას სარკინიგზო კომუნიკაცია, რომელიც სრულად მისაღებია როგორც სომხეთისთვის, ასევე აზერბაიჯანისთვის. და ჩვენ წინადადება წერილობით წარვუდგინეთ აზერბაიჯანს. ველოდებით მათ დადებით პასუხს, როცა ეს იქნება საჭირო იქნება დავაჩქაროთ ხელშეკრულების გაფორმება და გადავიდეთ რკინიგზის მშენებლობაზე“, – აღნიშნა მან.
