უზბეკეთში, სამარყანდში ევროკავშირისა და ცენტრალური აზიის ქვეყნების პირველი სამიტის დროს თავის გამოსვლაში ევროპარლამენტის ხელმძღვანელმა ურსულა ფონ დერ ლაიენმა სომხეთზეც ისაუბრა. კერძოდ, მან ხაზი გაუსვა ტრანსკასპიური სატრანსპორტო დერეფნის მნიშვნელობას ცენტრალური აზიისა და ევროკავშირის ქვეყნებს შორის კავშირების განმტკიცების თვალსაზრისით. “შავ ზღვამდე მისასვლელად ასევე მნიშვნელოვანია სრიალა საზღვარი ცენტრალური აზიისა და სამხრეთ კავკასიის ქვეყნებთან. სამი ათწლეულის დახურვის შემდეგ სომხეთთან თურქეთის და აზერბაიჯანის საზღვრების გახსნა შეცვლის თამაშს. ეს უფრო დააახლოებს ევროპასა და ცენტრალურ აზიას, ვიდრე ოდესმე”, – განაცხადა ევროკომისიის პრეზიდენტმა. აღსანიშნავია, რომ დღეს სამიტის მეორე დღეა, რომელშიც ევროკომისიის პრეზიდენტი ურსულა ფონ დერ ლაიენი, ევროსაბჭოს ხელმძღვანელი ანტონიო კოსტა, ასევე უზბეკეთის, ყაზახეთის, ტაჯიკეთის, ყირგიზეთის და თურქმენეთის პრეზიდენტები მონაწილეობენ.
