დღის წესრიგში ვიზალიბერალიზაციის პერსპექტივებია. შინაგან საქმეთა მინისტრის მოადგილემ ევროკავშირის მეორე საექსპერტო მისია მიიღო
ევროკავშირთან ვიზალიბერალიზაციის დიალოგის ფარგლებში, შინაგან საქმეთა მინისტრის მოადგილემ არმენ ღაზარიანმა 7 აპრილს მიიღო ევროკავშირის მეორე საექსპერტო მისია, იტყობინება შსს.
შეხვედრას ესწრებოდნენ შინაგან საქმეთა და საგარეო საქმეთა სამინისტროების წარმომადგენლები, სექტორის ექსპერტები ევროკავშირის წევრი ქვეყნებიდან, ევროკომისიის და ევროკავშირის დელეგაციის წარმომადგენლები.
არმენ ღაზარიანმა წარმოადგინა შინაგან საქმეთა სამინისტროს ინსტიტუციური რეფორმები, პოლიციის ფუნქციების ცენტრალიზაციაზე, ახალი ფუნქციონალური მოდელის დანერგვაზე, სამოქალაქო მმართველობაზე გადასვლაზე, ძალის გამოყენების ახალი სტანდარტის დანერგვაზე, ასევე სხვა მიზნობრივ სფეროებში განხორციელებულ მნიშვნელოვან ცვლილებებზე.
საუბარი შეეხო დანაშაულის პრევენციის ერთიანი სტრატეგიის შემუშავებაზე მუშაობას, ასევე ნარკოტიკებთან ბრძოლის სტრატეგიის პროექტის დებულებებს.
