საქართველო-სომხეთის მატჩზე მომხდარი ინციდენტის გამო უეფამ საქართველოს ფეხბურთის ფედერაცია დააჯარიმა
უეფას დისციპლინურმა კომიტეტმა დღეს სომხეთთან მატჩის დროს მომხდარ ინციდენტთან დაკავშირებით საბოლოო გადაწყვეტილება მიიღო. ამის შესახებ „ჯორჯია ონლაინი“ იუწყება. უეფას გადაწყვეტილებით, საქართველოს ფეხბურთის ფედერაცია მოედანზე შემოსული გულშემატკივრებისთვის, ლაზერული განათებისა და ფეიერვერკების გამოყენებით, ასევე გასასვლელების გადაკეტვისთვის 40 000 ევროთი დაჯარიმდა და საქართველოს ნაკრები ერთ საშინაო მატჩს დახურულ კარს მიღმა ჩაატარებს. შეჩერება არ შეეხება მსოფლიო ჩემპიონატის შესარჩევ მატჩებს და შეეხება ერთა ლიგის ფარგლებში გამართულ მატჩებს. შეგახსენებთ, რომ უეფას ერთა ლიგის პლეი-ოფის საპასუხო მატჩში სომხეთის საფეხბურთო ნაკრებმა საქართველოს გუნდთან 6:1 წააგო. მატჩის შემდეგ მოედანზე ქართველი გულშემატკივრების ჯგუფი შევიდა, სომხური გულშემატკივართა განყოფილებისკენ გაიქცა და მათ პლასტმასის და ლითონის კონტეინერები ესროლა.
საქართველოს საფეხბურთო ნაკრების ფან მოძრაობამ ბოდიში მოუხადა სომეხ ფეხბურთის გულშემატკივრებს თბილისში საქართველო-სომხეთის მატჩის დროს ქართველი გულშემატკივრების ჯგუფის პროვოკაციული საქციელის გამო. ამის შესახებ ფან მოძრაობის „სომხური პირველი ფრონტის“ თანადამფუძნებელი სერგეი ჯანჯოიანი წერს. საქართველოს ნაკრების გულშემატკივართა მოძრაობამ „ქომაგებმა“ ბოდიში მოგვიხადა სტადიონზე რამდენიმე ათეული გულშემატკივრის სულელური და არასწორი საქციელის გამო და სოლიდარობა გამოუცხადა ჩვენს ბრძოლას. როგორც არაერთხელ აღვნიშნე, ფეხბურთმა არავითარ შემთხვევაში არუნდა გამოიწვიოს მტრობა და ნეგატიური დამოკიდებულება ჩვენი ორი ქვეყნის ხალხებს შორის. საკმარისია ჩვენი მტერი. ჯანჯოიანმა აღნიშნა, რომ ქართველი გულშემატკივრების პროვოკაციულ ქმედებებზე მოგვიანებით ისაუბრებს.
