19 ივნისს, სომხეთის რესპუბლიკის ეროვნული კრების თავმჯდომარემ, ალენ სიმონიანმა მიიღო საქართველოს პარლამენტის კულტურის კომიტეტის თავმჯდომარის, გიორგი გაბუნიას ხელმძღვანელობით დელეგაცია. სომხეთის ეროვნული კრების განცხადებაში აღნიშნულია, რომ თანამოსაუბრეების განხილვის ცენტრში პარლამენტთაშორისი ურთიერთობების განვითარებასთან დაკავშირებული საკითხები იყო. „შეხვედრაზე ასევე განიხილეს რეგიონული მოვლენები და ორმხრივი ინტერესის მქონე სხვა საკითხები“, – ნათქვამია განცხადებაში.
