კილიკიის დიდი სახლის კათოლიკოსმა არამ I-მა აშშ-ის ვიცე-პრეზიდენტს ჯ.დ. ვენსს სპეციალური წერილი გაუგზავნა, რომელშიც მისი ყურადღება ყარაბაღის სამხედრო-პოლიტიკური ხელმძღვანელობისა და ბაქოში დაკავებული სომეხი სამხედრო ტყვეების გათავისუფლების საკითხზე გაამახვილა.
“არმენპრეს”-ის ცნობით, ამის შესახებ შეტყობინება კილიკიის დიდი სახლის კათოლიკოსატის ოფიციალურ Facebook გვერდზე გამოქვეყნდა. აღნიშნულია, რომ კათოლიკოსმა არამ I-მა აშშ-ის ვიცე-პრეზიდენტის ყურადღება მთიან ყარაბაღში სულიერი და კულტურული ძეგლების უსაფრთხოდ შენარჩუნების აქტუალურ საკითხებზე გაამახვილა და პირადი ჩარევისკენ მოუწოდა. წერილში მისმა უწმინდესობამ ასევე გაიხსენა, რომ საერთაშორისო სამართალი ნათლად ხაზს უსვამს როგორც სამხედრო ტყვეების გათავისუფლების, ასევე სულიერი და კულტურული მემკვიდრეობის დაცვის მნიშვნელობას. ინფორმაციის თანახმად, მისი უწმინდესობის წერილი უკვე აშშ-ის ვიცე-პრეზიდენტამდეა მისული.
