პოლონეთი და სომხეთი ერთობლივ სამხედრო წვრთნებს ჩაატარებენ, სტაბილურობით, უსაფრთხოებითა და თანამშრომლობით დაინტერესებული ქვეყნები ჩვენი პარტნიორები არიან განხილვებში.
ამის შესახებ X-ში დაწერა პოლონეთის ვიცე-პრემიერმა, ეროვნული თავდაცვის მინისტრმა ვლადისლავ კოშჩინსკა-კამიშმა სომხეთის რესპუბლიკის თავდაცვის მინისტრ სურენ პაპიკიანთან შეხვედრის შემდეგ.
„ამიტომ, ჩვენ დაინტერესებულნი ვართ ერთობლივი სამხედრო წვრთნებით, სამხედრო აკადემიებს შორის თანამშრომლობით და თავდაცვის ინდუსტრიაში გამოცდილების გაცვლით სომხეთთან. დღეს ეს საკითხი თავდაცვის მინისტრ სურენ პაპიკიანთან განვიხილეთ. გმადლობთ ვიზიტისთვის“, – აღნიშნა მან.
პოლონელმა ოფიციალურმა პირმა ხაზგასმით აღნიშნა, რომ დღევანდელ სამყაროში უსაფრთხოება არა მხოლოდ სამხედრო ძალით, არამედ პასუხისმგებლიანი პარტნიორობითა და გრძელვადიანი თანამშრომლობის ქსელით შენდება იმ ქვეყნებს შორის, რომლებიც სტრატეგიულად ფიქრობენ რეგიონის მომავალზე.
