ლოს-ანჯელესის საქალაქო საბჭოს თავმჯდომარის თანამდებობაზე პირველად ამერიკელი სომეხი აირჩიეს
პოლ კრეკორიანი დღეს ლოს-ანჯელესის საქალაქო საბჭოს თავმჯდომარედ აირჩიეს და გახდა პირველი სომეხი-ამერიკელი, რომელმაც ეს თანამდებობა დაიკავა.
კრეკორიანი ცვლის საქალაქო საბჭოს ყოფილ თავმჯდომარეს ნური მარტინესს, რომელიც იძულებული გახდა გადამდგარიყო, რადგან გამჟღავნებულ ვიდეოში ქალაქთან დაკავშირებული პროცესების განხილვისას რასისტული გამონათქვამები გააჟღერა საბჭოს ორ წევრთან ერთად.
საკამათო პერიოდში კრეკორიანი მაშინვე დაინიშნა ქალაქის საბჭოს ხელმძღვანელად, ხოლო საბჭოს წევრები კევინ დე ლეონი და ჟილ ზედილო სკანდალური ვიდეოს გამოქვეყნების შემდეგ გადადგომის საფრთხის წინაშე დგანან.
მერმა ერიკ გარსეტიმ მაღალი შეფასება მისცა პოლ კრეკორიანის არჩევას. „პოლი არის თავდადებული და კეთილსინდისიერი ლიდერი, რომელსაც შეუძლია გააზრებული, თანამშრომლობითი და ეფექტური მიდგომა უზრუნველყოს რთულ დროს, როდესაც ლოს-ანჯელესის მოქალაქეები იმსახურებენ საიმედო ხელმძღვანელობას საქალაქო საბჭოში. დარწმუნებული ვარ, ის ხელმძღვანელთა გუნდს ჩამოაყალიბებს“.
