აშშ-ის ვიცე-პრეზიდენტ ჯ.დ. ვენსის ვიზიტი სომხეთში ორ ქვეყანას შორის პარტნიორობაში გარდამტეხი მომენტია.
Armenpress-ის ცნობით, ამის შესახებ აშშ-ის საელჩომ სომხეთში განცხადება გააკეთა:
„ჩვენთვის დიდი პატივია, ვუმასპინძლოთ აშშ-ის ვიცე-პრეზიდენტ ჯ.დ. ვენსს, მეორე ლედის უშა ვენსს და მათ ოჯახს სომხეთში ამ ისტორიულ ვიზიტზე. ეს ნამდვილად გარდამტეხი მომენტია ჩვენს ორ ქვეყანას შორის პარტნიორობაში. ვიცე-პრეზიდენტი ვენსი ხვდება პრემიერ-მინისტრ ნიკოლ ფაშინიანს და მთავრობის მაღალჩინოსნებს, რათა ხაზი გაუსვას 8 აგვისტოს ვაშინგტონში გამართული სამშვიდობო სამიტის შემდეგ მიღწეულ მნიშვნელოვან მიღწევებს, წინ წაწიოს TRIPP-ის განხორციელება და გამოკვეთოს ახალი ეტაპი სომხურ-ამერიკულ სტრატეგიულ პარტნიორობაში“, – ნათქვამია წერილში.
აშშ-ის ვიცე-პრეზიდენტი ჯ.დ. ვენსი მეუღლესთან და შვილებთან ერთად ოფიციალური ვიზიტით სომხეთს 9 თებერვალს ეწვია. შეხვედრის შემდეგ, სომხეთის პრემიერ-მინისტრი და აშშ-ის ვიცე-პრეზიდენტი პრესისთვის განცხადებებს გააკეთებენ.
