კვლევის თანახმად, სომხეთის ყველაზე მნიშვნელოვანი პოლიტიკური პარტნიორებია რუსეთი, აშშ, ირანი, ევროკავშირი, საფრანგეთი

კვლევის თანახმად, სომხეთის ყველაზე მნიშვნელოვანი პოლიტიკური პარტნიორებია რუსეთი, აშშ, ირანი, ევროკავშირი, საფრანგეთი.

„ქვემოთ ჩამოთვლილი ქვეყნებიდან რომელს მიიჩნევთ სომხეთის ყველაზე მნიშვნელოვან პოლიტიკურ პარტნიორად?“ კვლევის ფარგლებში, საერთაშორისო რესპუბლიკური ინსტიტუტის კვლევების ცენტრმა მოქალაქეებს მისცა შესაძლებლობა, ამ კითხვაზე რამდენიმე პასუხი გაეცათ. შესაბამისად, ხუთი ყველაზე პოპულარული პასუხია რუსეთი, აშშ, ირანი, ევროკავშირი და საფრანგეთი.

რუსეთს სომხეთის ყველაზე მნიშვნელოვან პოლიტიკურ პარტნიორად გამოკითხულთა 43 პროცენტი მიიჩნევდა, აშშ-ს – 42 პროცენტი, ირანს – 34 პროცენტი, ევროკავშირს – 29, საფრანგეთს – 27, ჩინეთს – 21, საქართველოს – 18, ინდოეთს – 6, გაერთიანებულ სამეფოს – 4, ყაზახეთს – 3, თურქეთს – 3, აზერბაიჯანს – 2 და უკრაინას – 2 პროცენტი.