რეგიონალური მდგრადი განვითარების პროგრამის „ააშენე სომხეთი” ფარგლებში აშენდება ახალი თანამედროვე სამრეწველო და საცხოვრებელი კომპლექსი ქალაქ აბოვიანში, დედაქალაქიდან არც ისე შორს.
ამის შესახებ სომხეთის ეკონომიკის სამინისტროს პრესსამსახურმა განაცხადა, რომელიც ეხებოდა სომხეთის ეკონომიკის მინისტრის ვაჰან ქერობიანის ვიზიტს აბოვიანის მუნიციპალიტეტში, რომელმაც ხელი მოაწერა შეთანხმებას პროექტის კოორდინატორთან “Hayprospect CJSC” დირექტორ საჰაკ არწრუნთან. ხელმოწერის ცერემონიალის დროს, ხელშეკრულების მიზნებთან დაკავშირებით, არწრუნმა თქვა, რომ პროექტზე უკვე დახარჯულია დაახლოებით 6 მილიონი დოლარი. წლის ბოლოს იგეგმება ინვესტიციების მოცულობის 30 მილიონ დოლარამდე გაზრდა. პროგრამის საერთო ღირებულება, რომელიც წლების წინ დაიგეგმა, შეიძლება 1 მილიარდ აშშ დოლარამდე იყოს.
პროექტის ფარგლებში დაგეგმილია სხვადასხვა მაღალტექნოლოგიური საწარმოების, საბინაო კომპლექსების, საგანმანათლებლო დაწესებულებების აშენება. პროექტის დასაწყებად უკვე შეძენილია დაახლოებით 70 ჰექტარი მიწა. მოსალოდნელია, რომ ინდუსტრიული ზონის ინფრასტრუქტურა მზად იქნება წლის ბოლოს.
