სომხეთის ატომურ ელექტროსადგურში მშენებლობა და განახლება გაგრძელდება.
ამის შესახებ ეროვნულ კრებაში სიტყვით გამოსვლისას განაცხადა ტერიტორიული მართვისა და ინფრასტრუქტურის მინისტრმა სურენ პაპიკიანმა.
”2020 წელს დასრულდა და 2021 წელს დამტკიცდა “ენერგეტიკის სექტორის განვითარების სტრატეგიული პროგრამა” 2040 წლამდე. ეს პროგრამა ითვალისწინებს 2026 წ. შემდეგ სომხეთის ატომური ელექტროსადგურის ექსპლუატაციის ვადის გაგრძელებას. სომხეთის ატომურ ელექტროსადგურში მშენებლობა გაგრძელდება, განახლდება ტექნიკა”, – განაცხადა პაპიკიანმა.
გარკვეული სამუშაოების ჩასატარებლად სომხეთის ბირთვული ელექტროსადგური 15 მაისიდან 141 დღის განმავლობაში გაჩერდება. 2021 წელს სარემონტო სამუშაოების შემდეგ, სომხეთის ატომურმა ელექტროსადგურმა მარეგულირებელი ორგანოსგან ახალი ლიცენზია უნდა მიიღოს.
