ბრიუსელში ევროკავშირის საბჭოს თავმჯდომარე შარლ მიშელის ინიციატივით გაიმართა სომხეთისა და აზერბაიჯანის ლიდერების მესამე შეხვედრა. ამასთან დაკავშირებით შარლ მიშელმა განცხადება გამოაქვეყნა.
„ჩვენ ორიენტირებული ვართ სამხრეთ კავკასიაში არსებულ ვითარებაზე და ევროკავშირის ურთიერთობების განვითარებაზე ორ ქვეყანასთან, ისევე როგორც მთლიანად რეგიონთან“, – ნათქვამია განცხადებაში.
განხილული იქნა საკითხების მთელი პაკეტი. მათ დეტალურად განიხილეს ჰუმანიტარული საკითხები, მათ შორის ნაღმტყორცნებისა და უგზო-უკვლოდ დაკარგულების ბედის გადასაწყვეტად მიმართული ძალისხმევა.
ევროკავშირის საბჭოს პრეზიდენტმა შედეგების დეტალები წარმოადგინა. რომელიც მოიცავს შემდეგ საკითხებს:
სასაზღვრო საკითხები
სასაზღვრო კომისიების პირველი სხდომა სახელმწიფოთაშორის საზღვარზე უახლოეს დღეებში გაიმართება. მის ფარგლებში განიხილება საზღვრის დემარკაციასთან და სტაბილურობის შენარჩუნებასთან დაკავშირებული საკითხები.
კომუნიკაციების განბლოკვა
ლიდერები შეთანხმდნენ სატრანსპორტო კომუნიკაციების განბლოკვის აუცილებლობაზე. ისინი შეთანხმდნენ პრინციპებზე, რომლებიც არეგულირებს აზერბაიჯანის დასავლეთ ნაწილიდან ნახჭევანში და სომხეთის სხვადასხვა ნაწილებს შორის ტრანზიტს აზერბაიჯანის ტერიტორიის გავლით, ასევე საერთაშორისო გადაზიდვებს ორი ქვეყნის საკომუნიკაციო ინფრასტრუქტურით.
კერძოდ, შეთანხმდნენ საზღვრის მართვის, უსაფრთხოების, ტერიტორიული მოვალეობების, ასევე საერთაშორისო გადაზიდვებისას საბაჟო გადასახადების პრინციპებზე. უახლოეს დღეებში ვიცე-პრემიერები ამ მუშაობას გააგრძელებენ.
სამშვიდობო ხელშეკრულება
ლიდერები შეთანხმდნენ გააგრძელონ დისკუსიები სამშვიდობო ხელშეკრულებაზე, რომელიც არეგულირებს სომხეთსა და აზერბაიჯანს შორის სახელმწიფოთაშორისო ურთიერთობებს. უახლოეს კვირებში საგარეო საქმეთა მინისტრების ხელმძღვანელობით სამუშაო ჯგუფი ამ პროცესს წინ წაწევს. „გარდა ამისა, ორივე ლიდერებთან საუბრისას მე ხაზი გავუსვი მთიანი ყარაბაღის ეთნიკურად სომეხი მოსახლეობის უფლებებისა და უსაფრთხოების საკითხების გადაჭრის აუცილებლობას“, – განაცხადა მიშელმა.
სოციალურ-ეკონომიკური განვითარება
ევროკავშირი იმუშავებს ორივე მხარესთან ეკონომიკურ მრჩეველთა ჯგუფის სამუშაოების დაჩქარების მიზნით, ამ ჯგუფს ეკისრება ხელი შეუწყოს ეკონომიკურ განვითარებას ორივე ქვეყნისა და მათი ხალხების საკეთილდღეოდ. „მე ასევე ხაზი გავუსვი მოსახლეობის მომზადების აუცილებლობას ხანგრძლივი და სტაბილური მშვიდობისთვის. ევროკავშირი მზად არის გააძლიეროს მხარდაჭერა. ჩვენ შევთანხმდით, რომ გავაგრძელებთ მჭიდრო კონტაქტებს, იგივე ფორმატით შევხვდებით ივლისში ან აგვისტოში“, – ნათქვამია შარლ მიშელის განცხადებაში.
